ain.az xəbər verir, Bakivaxti saytına əsaslanaraq.
Slovakiya və ABŞ cümə günü nüvə enerjisi sahəsində əməkdaşlıq müqaviləsi imzalayacaqlar.
Bakıvaxtı.az xəbər verir ki, bunu Slovakiyanın Baş naziri Robert Fiko bildirib.
Məlumata görə, Bratislava Vaşinqtonun köməyi ilə respublikanın fəaliyyətdə olan nüvə elektrik stansiyaları şəbəkəsini genişləndirməyi planlaşdırır.
Slovakiya mediası əvvəllər hakimiyyətin ölkənin qərbindəki Yaslovske Bohunice kəndi yaxınlığındakı "Bohunice Atom Elektrik Stansiyası"nda 1000 meqavattlıq yeni enerji bloku tikmək layihəsini həyata keçirmək niyyətində olduğunu bildirmişdi. Bu enerji bloku Slovakiya dövlətinə məxsus olacaq. Onun tikintisi ilə bağlı danışıqlar Amerikanın "Westinghouse" şirkəti ilə aparılır.
Slovakiyada iki fəaliyyətdə olan atom elektrik stansiyası var: "Bohunice" və "Mochovce". Slovakiyanın nüvə reaktorları Rusiya və ya Sovet mənşəlidir. Slovakiyanın nüvə elektrik stansiyaları ölkənin enerji istehlakının yarıdan çoxunu təşkil edir.
Sonrakı hadisələr barədə daha çox məlumat almaq üçün ain.az saytını izləyin.
