Fanat saytına istinadən ain.az xəbər verir.
Bu gün Azərbaycan Basketbol Liqasının XII turu çərçivəsində daha iki görüş reallaşacaq.
Fanat.Az xəbər verir ki, hər iki matç A qrupunda keçiriləcək.
Saat 14:00-da “Sabah” NTD ilə üz-üzə gələcək. “Sabah” 19 xalla qrupda ikinci yerdədir. Sonuncu – 6-cı pillədə olan NTD-nin isə 11 xalı var.
Günün son qarşılaşması saat 17:00-da “Neftçi” və “Şəki” arasında keçiriləcək. “Neftçi” 14 xalla 4-cüdür. “Şəki” isə 13 xalla beşinci pillədə yer alıb.
Hər iki matç “Sərhədçi” İdman Mərkəzində oynanılacaq.
Qeyd edək ki, turun daha əvvəl keçirilən görüşlərində “Ordu” “Quba”nı (116:111), “Lənkəran” “Sərhədçi”ni (72:69), “Naxçıvan” isə “Sumqayıt”ı (97:81) üstələyib. XII tura yanvarın 11-də yekun vurulacaq.
Abunə Ol
Sonrakı hadisələr barədə daha çox məlumat almaq üçün ain.az saytını izləyin.
