Müvəqqəti prezident Rodriqes Tramp administrasiyası ilə birgə bloklanmış neft ehtiyatlarının ABŞ-yə göndərilməsini koordinasiya edir...
Poliqon xəbər verir ki, Venesuela müvəqqəti prezidenti Delsi Rodriqes ABŞ prezidenti Donald Trampın administrasiyası ilə birgə fəaliyyət göstərərək ölkənin neft ixracını ABŞ ərazisinə artırmaq üçün fəal əməkdaşlıq edir. Financial Times qəzetinin məlumatına görə, bu barədə xəbərlər Karakas hökumətinə yaxın mənbələrdən əldə olunub.
Məlumatda qeyd olunur ki, Rodriqes ABŞ dövlət katibi Marko Rubio ilə müntəzəm birbaşa əlaqə saxlayır. ABŞ və Bolivar Respublikası ekspert qrupları sanksiyaların aradan qaldırılması və bürokratik maneələrin aşılması üzərində işləyir ki, əvvəllər məhdudlaşdırılmış 30–50 milyon barel neft Vaşinqtona çatdırılsın.
Mənbənin sözlərinə görə, hazırda prioritet vəzifə Venesueladakı vəziyyətin stabilləşdirilməsidir. Bunun üçün neft tədarüklərinin davamlılığı və ölkəyə pul axınının təmin olunması vacib hesab edilir. Mənbə əlavə edib ki, bu həm Venesuela, həm də ABŞ-ın maraqlarına uyğundur.
Qeyd edək ki, 3 yanvar tarixində ABŞ Venesuelaya hərbi əməliyyat həyata keçirib: ölkə paytaxtı Karakas və Fort-Tiuna hərbi bazasında partlayışlar baş verib. Həmin əməliyyatdan sonra Tramp onu uğurlu sayıb və Venesuela prezidenti Nikolas Maduronun və həyat yoldaşının ələ keçirildiyini açıqlayıb. ABŞ prezidenti vurğulayıb ki, Maduro artıq prezident deyil və Venesuelanın idarəsi “səlahiyyətin ötürülməsinə qədər” ABŞ tərəfindən həyata keçirilir.
Poliqon.info
