Ajans.az Kyodo xəbər agentliyinə istinadən xəbər verir ki,mərasimdə pişiyə titulu və papağı həkk olunmuş medal təqdim edilib. Wakayama Elektrik Dəmir Yolu Şirkətinin prezidenti Mitsunobu Kojima Yonotamanın Yaponiya dəmir yollarının keçirdiyi əhəmiyyətli dəyişikliklərdə rol oynayacağına ümid etdiyini bildirib. Yonotama, ötən ilin noyabrında vəfat edən əvvəlki pişik stansiya rəisi Nitamanı əvəz edir. Nitama dəmir yolu xəttinin təşviqindəki töhfəsinə görə fəxri stansiya rəisi adına layiq görülmüşdü. Stansiya rəisi vəzifəsi simvolikdir: pişik maskot kimi xidmət edir və turistləri cəlb edir. Bu ənənə 2007-ci ildə Tama adlı pişiyin növbətçi təyin edilməsi ilə başlayıb. Tama xidmət illərində bölgəyə təxminən 1,1 milyard yen qazandırmış və beynəlxalq şöhrət qazanmışdı. 2015-ci ildə 16 yaşında vəfat edən Tama, gəlirsiz xəttin maliyyə sabitliyinə dəstək olmuşdu.  

• Pişik
• Yaponiya
• Medal
• Rəis
• Stansiya
• Nitama
• Wakayama Elektrik Dəmir Yolu