Danimarka müdafiə naziri Troels Lund Poulsen ABŞ dövlət katibi Marko Rubio ilə Qrenlandiya məsələsini müzakirə etmək üçün görüşü təsdiqləyib və danışıqların media üzərindən deyil, birbaşa aparılmasının doğru olduğunu bildirib.
AFN.az xəbər verir ki, o bu barədə "Danmarks Radio"ya açıqlamasında danışıb.
“Bu, Danimarka hökumətinin Qrenlandiya hökuməti ilə birlikdə tələb etdiyi vacib dialoqdur. Məncə, bu, həqiqətən yaxşı xəbərdir. İndi biz mediadan deyil, birbaşa ünsiyyət qurmaq imkanı əldə etmişik və görüş hər zaman yaxşı fikirdir”, – deyə Poulsen qeyd edib.
ABŞ Dövlət katibi Marko Rubio görüşün gələn həftə baş tutacağını açıqlayıb: “Gələn həftə onlarla görüşəcəyəm və bu məsələləri müzakirə edəcəyik”, – deyə Rubio mövzu ilə bağlı açıqlamasında deyib. O, görüş iştirakçılarının siyahısı haqda məlumat verməyib.
