Suriya Demokratik Qüvvələrinin Hələbi atəşə tutması nəticəsində ölənlərin sayı 5-ə çatıb, daha 31 nəfər yaralanıb.
Vətəninfo.az xəbər verir ki, bu barədə “Əl-İxbariyyə” televiziyası səhiyyə mənbəyinə istinadən məlumat yayıb.
Suriya Daxili İşlər Nazirliyinin məlumatına görə, yaraqlıların açdığı atəş nəticəsində ən azı üç təhlükəsizlik işçisi yaralanıb. Kürd bölmələri Şeyx Maqsud və Əşrəfiyyə məhəllələrindən təxliyə olunan mülki şəxsləri müşayiət edən döyüşçülər bölməsinə hücum edib.
Məlumata görə, Suriya Mülki Müdafiəsi Hələbdəki toqquşmalardan zərər çəkmiş ərazilərdən 3000-dən çox mülki şəxsi təxliyə edib.
Suriyanın şimal paytaxtında vəziyyət 6 yanvarda kürdlərin hökumət mövqelərinə hücum etmək üçün dronlardan istifadə etməsi ilə gərginləşib. Məlumata görə, dörd nəfər ölüb, 15 nəfər yaralanıb.
