Müəllif: Gülnar Əhmədli, Banco.az
2025-ci ilin yanvar-noyabr aylarında Azərbaycan MDB ölkələrinə 1 milyard 627 milyon 224 min dollarlıq məhsul ixrac edib. Bu, 2024-cü ilin eyni dövrü ilə müqayisədə 67 milyon 866 min ABŞ dolları (4,4%) çoxdur.
Banco.az Dövlət Gömrük Komitəsinə istinadən xəbər verir ki, hesabat dövründə MDB ölkələrindən idxal isə 5 milyard 157 milyon 118 min ABŞ dolları dəyərində olub.
Bu isə 2024-cü ilin ilk 11 ayına nisbətdə 390 milyon 604 min dollar və ya 8,2% çoxdur.
Qeyd edək ki, 2024-cü ilin yanvar-noyabr aylarında Azərbaycanın MDB ölkələrinə ixracının dəyəri 1,6 milyard ABŞ dolları, idxalının dəyəri isə 4,8 milyard ABŞ dollarına bərabər olub.
Bizi sosial şəbəkələrdən izləyin!!
