Qafqazinfo saytından verilən məlumata əsasən, ain.az məlumatı açıqlayır.
Argentina millisinin və “İnter Mayami” klubunun ulduzu Lionel Messi təqaüdə çıxdıqdan sonrakı planlarını açıqlayıb.
“Qafqazinfo” xəbər verir ki, Argentinanın LUZU TV kanalına danışan 38 yaşlı ulduz futbolçu təqaüdə çıxdıqdan sonra futbolda hansı rolu seçəcəyini ilk dəfə açıqlayıb.
O, məşqçi olmağı planlaşdırmadığını, əsas hədəfinin isə klub sahibi olmaq olduğunu bildirib.
Messi məşqçiliyin ona uyğun olmadığını vurğulayaraq deyib:
“Düzünü desəm, özümü məşqçi kimi görmürəm. Məşqçi olmaq fikri xoşuma gəlir, amma seçim etməli olsaydım, klub sahibi olmağı üstün tutardım.
Öz klubuma sahib olmaq və onu aşağıdan yuxarıya doğru inkişaf etdirmək, gənc futbolçulara və digər insanlara böyümək, irəliləmək və önəmli nəsə əldə etmək imkanı yaratmaq istəyirəm. Məni ən çox cəlb edən də məhz budur”.
Hadisənin gedişatını izləmək üçün ain.az saytında ən son yeniliklərə baxın.
