Oxu.az saytına istinadən ain.az xəbər verir.
Ötən il ərzində zəhərlənmə səbəbi ilə Kliniki Tibbi Mərkəzin Toksikologiya (KTM) şöbəsinə ümumilikdə 1188 nəfər qəbul edilib.
Oxu.Az KTM-ə istinadən xəbər verir ki, vaxtında aparılan düzgün müalicə tədbirləri nəticəsində 1142 pasiyentin vəziyyəti stabilləşdirilib və onlar qənaətbəxş vəziyyətdə ambulator müalicə üçün evə buraxılıblar.
Bildirilib ki, pasiyentlərin 495 nəfəri dərman preparatlarından, 1 nəfəri siçan əleyhinə dərmandan (rodentisid), 1 nəfəri həşərat əleyhinə dərmandan, 352 nəfəri sirkə turşusundan, 8 nəfəri həlledici məhlullardan, 12 nəfəri yandırıcı məhlullardan, 1 nəfəri kimyəvi məhluldan, 65 nəfəri allergik reaksiyalardan, 40 nəfəri fosfor üzvi birləşmələrindən, 18 nəfəri anafilaktik şokdan, 13 nəfəri tüstüdən, 66 nəfəri dəm qazından, 78 nəfəri ilan sancmasından, 1 nəfəri neft məhlulundan, 5 nəfəri yabanı bitkilərdən, 6 nəfəri həşərat dişləməsindən, 22 nəfəri spirtli içkilərdən, 4 nəfəri isə inhalyasiya zəhərlənmə səbəbi ilə müalicəyə cəlb olunub.
"Tibbi personal tərəfindən bütün pasiyentlərə ixtisaslaşmış toksikoloji və reanimasion yardım, həmçinin intensiv terapiya və detoksikasiya tədbirləri tətbiq olunub.
Aparılan intensiv müalicə tədbirlərinə baxmayaraq, təəssüf ki, 46 nəfərin (32 kişi və 14 qadın) həyatını xilas etmək mümkün olmayıb.
Ölüm hallarının əsas səbəbləri dərman və sirkə turşusu ilə zəhərlənmə nəticəsində yaranmış toksik vəziyyət olub", - məlumatda qeyd edilib.
Ən son xəbərləri və yenilikləri almaq üçün ain.az saytını izləyin.
