Energetika Nazirliyində kadr dəyişikliyi oldu

Energetika Nazirliyinin İctimaiyyətlə əlaqələr və rəqəmsal idarəetmə şöbəsinin müdiri vəzifəsinə yeni təyinat olub.Teleqraf xəbər verir ki, Amil Həsənov nazirliyin şöbəsinə rəhbər olaraq təyin edilib.Qeyd edək ki, o bu vəzifəni ötən ilin 24 oktyabrından icra edir.Amil Həsənov 2017 – 2024-cü illərdə Beynəlxalq Qızıl Xaç Komitəsinin Azərbaycandakı Nümayəndəliyində müxtəlif vəzifələrdə işləyib.2012 – 2017-ci illərdə Dövlət Neft Fondunda ictimaiyyətlə əlaqələr üzrə mütəxəssis, aparıcı mütəxəssis vəzifələrində çalışıb. Bundan öncə isə özəl sektorda hüquqşünas vəzifəsində işləyib.O, 2009-cu ildə Dövlət İdarəçilik Akademiyasının bakalavr, 2012-ci ildə isə ADA Universitetinin magistr pilləsini bitirib.