2026-cı ilin əvvəlində Çeçenistan Respublikası hökumətinin strukturunda kadr dəyişiklikləri edilib. Axmat Kadırov və Əhməd Dudayev yeni vəzifələrə təyin olunub.
Paralel.az xəbər verir ki , bu barədə Çeçenistan rəhbəri Ramzan Kadırov Telegram kanalında yazıb.
Onun sözlərinə görə, Axmat Kadırov baş nazirin müavini – fiziki tərbiyə və idman naziri vəzifəsinə, Əhməd Dudayev isə baş nazirin müavini – milli siyasət, xarici əlaqələr, mətbuat və informasiya naziri vəzifəsinə icraçı təyin olunub:
“Qərar hər iki şəxsin idarəçilik təcrübəsi və əvvəlki fəaliyyətləri nəzərə alınaraq qəbul edilib”.
Xatırladaq ki, 2005-ci il təvəllüdlü Axmat Kadırov 2022-ci ildən (17 yaş) etibarən Çeçenistan Respublikası rəhbərinin müşaviri vəzifəsini tutub, həmçinin Rusiya Uşaq və Gənclər Hərəkatı “Birincilərin Hərəkatı”nın regional şöbəsinin şura sədri olub.
2023-cü ilin noyabrında Axmat Kadırov respublikanın fiziki mədəniyyət, idman və gənclər siyasəti nazirinin birinci müavini təyin edilib. 17 fevral 2024-cü ildə Çeçenistan Respublikasının gənclərlə iş naziri, 21 may 2024-cü ildə Çeçenistan Respublikasının fiziki mədəniyyət və idman naziri vəzifəsinə gətirilib. 23 may 2024-cü ildə isə “Axmat” futbol klubunun prezidenti təyin olunub. O, həmçinin Çeçenistan Respublikasının gənclər siyasəti sahəsində əməkdar işçisidir.
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
