Prezident İlham Əliyev Azərbaycan–Çin münasibətlərində strateji tərəfdaşlığın əhəmiyyətini vurğuladı » AzadMedia.az

Prezident İlham Əliyev 2025-ci ilin yekunlarına dair müsahibəsində Azərbaycan–Çin münasibətlərinin inkişafına xüsusi diqqət çəkib. Dövlət başçısı bildirib ki, ötən il Çinə həyata keçirdiyi dövlət səfəri zamanı imzalanan hərtərəfli strateji tərəfdaşlıq haqqında Birgə Bəyannamə böyük əhəmiyyət daşıyan hadisədir və bunu Azərbaycan diplomatiyasının mühüm uğuru hesab etmək olar. Prezident qeyd edib ki, Çin dünyanın aparıcı dövlətlərindən biridir və bu səviyyədə siyasi tərəfdaşlıq Bakının uğurlu və balanslı xarici siyasətinin bariz nümunəsidir.