Fransanın mərkəzi İl-de-Frans (Paris və ətrafı) bölgəsində əlverişsiz hava şəraiti səbəbindən rekord səviyyədə tıxaclar qeydə alınıb.
Redaktor.az bu barədə TASS-a istinadən xəbər verir.
Yollardakı tıxacların ümumi uzunluğu 901 km-ə çatıb. Bu, oxşar hava şəraitinin hökm sürdüyü 2018-ci ildə qeydə alınmış əvvəlki maksimum göstəricini (739 km) xeyli üstələyib.
Paris Polisi magistral yollarda icazə verilən maksimum sürət həddini adi vaxtlardakı 110-130 km/saatdan 80 km/saat-a endirib.
