Tehran etirazlara sərt reaksiya verdi: iğtişaş iştirakçılarına güzəşt olmayacaq » AzadMedia.az

İranda doqquz gündür davam edən etirazlar və iğtişaşlarla bağlı rəsmi Tehran sərt mövqe nümayiş etdirib. İran İslam Respublikasının məhkəmə hakimiyyətinin rəhbəri Qolam Hüseyn Möhsen Ejei bildirib ki, iğtişaşlarda iştirak edənlərə qarşı heç bir dözümlülük göstərilməyəcək. Onun sözlərinə görə, bu dəfə etirazçılara və onlara yardım edən şəxslərə güzəşt edilməyəcək, saxlanılanların hamısı barəsində hüquqi tədbirlər görüləcək. Eyni zamanda, iğtişaşların təşkilatçılarının müəyyən edilməsi üçün xüsusi tədbirlərin görülməsi tapşırılıb.