Büdcə təşkilatlarının ödənişli xidmətləri
Büdcə təşkilatlarının ödənişli xidmətlərindən dövlət büdcəsinə 1 milyard 21 milyon manat vəsaitin daxil olacağı nəzərdə tutulur ki, bu da 2025-ci ilin proqnozu ilə müqayisədə 141 milyon manat və ya 16 faiz çoxdur.
Marja.az xəbər verir ki, bu, Maliyyə Nazirliyi tərəfindən hazırlanan Azərbaycan Respublikasının 2026-cı ilin dövlət və icmal büdcələri ilə bağlı məlumatları özündə birləşdirən “Vətəndaşın büdcə bələdçisi”ndə bildirilir.
Sair gəlirlər
2026-cı ilin dövlət büdcəsinin sair gəlirləri aşağıdakı mənbələr üzrə formalaşacaq:
- Dövlət mülkiyyətində olan əmlakın icarəyə verilməsindən icarə haqqı – 40 milyon manat;
- Səhmlərində dövlətin payı olan müəssisələrdən alınan dividendlər üzrə daxilolmalar - 600 milyon manat;
- Məqsədli büdcə fondları üzrə daxilolmalar - 67,3 milyon manat;
- Vahid xəzinə hesabının qalıq vəsaitlərinin idarə edilməsindən daxilolmalar – 80 milyon manat;
- Yığımlar və inzibati xətalara görə tətbiq edilmiş cərimələrdən dövlət büdcəsinə çatan hissə üzrə daxilolmalar - 149,1 milyon manat;
- Digər daxilolmalar - 44,6 milyon manat
