Donald Trampın qızı olduğunu iddia edən türkiyəli Necla Özmen son hadisələrlə bağlı “Haber Global”ə danışıb.
Redaktor.az xəbər verir ki, o, Venesuela Prezidenti Nikolas Maduronun sərbəst buraxılmasını tələb edib:
"Atam Donald Trampa müraciət edirəm. Maduronu azad etməsini istəyirəm".
Ankarada yaşayan 55 yaşlı Necla Özmen bir müddətdir atalıq şəhadətnaməsindəki qeyri-müəyyənliyə və ailəsindən eşitdiyinə əsasən Donald Trampın onun bioloji atası ola biləcəyini iddia edir. Lakin Özmen Maduro ilə bağlı "atası" ilə eyni fikirdə deyil.
