Hindistanın İndore şəhərinin Bhagiratpura rayonunda içməli sudan kütləvi zəhərlənmə nəticəsində azı 16 nəfər həyatını itirib.
Xezerxeber.az bu barədə xarici KİV-ə istinadən xəbər verir.
Ölkənin “ən təmiz şəhəri” statusunu daşıyan şəhərdə dekabr ayının sonlarından bəri kəskin ishal diaqnozu ilə 1400-dən çox insan xəstəxanalara müraciət edib.
Azı 142 nəfər xəstəxanaya yerləşdirilib, onlardan 11-nin vəziyyəti ağır qiymətləndirilir.
Məlumata görə, təxminən 15 000 nəfərin yaşadığı ərazidən götürülmüş su nümunələri kanalizasiya borusunda baş vermiş sızma səbəbindən çirklənmiş suda zərərli bakteriyaların olduğunu göstərib.
