Birləşmiş Millətlər Təşkilatının (BMT) Təhlükəsizlik Şurasının bu gün ABŞ-nin Venesuelaya qarşı keçirdiyi hərbi əməliyyatla bağlı təcili gündəmlə toplanacağı bildirilib.
"Cebheinfo.az" xəbər verir ki, ABŞ mediasının yaydığı məlumata görə, Kolumbiya, daimi üzvlər olan Rusiya və Çin-in dəstəyi ilə Təhlükəsizlik Şurasını iclasa çağırıb. Toplantının iştirakçılarının hələ tam müəyyənləşmədiyi, lakin BMT Baş katibi Antoniu Quterreşin iclasa qatılmasının gözlənildiyi qeyd olunub.
Bu iclasın beynəlxalq hüquq və regional sabitlik baxımından mühüm nəticələr doğuracağı gözlənilir. Venesueladakı son hadisələr və ABŞ-nin müdaxiləsi qlobal diplomatik dairələrdə ciddi narahatlıq yaradıb. BMT-nin bu məsələyə necə yanaşacağı və hansı qərarların veriləcəyi dünya ictimaiyyəti tərəfindən diqqətlə izlənilir.
