ABŞ-nin həftəsonu Venesuela Prezidenti Nikolas Maduronu ələ keçirməsindən sonra qızıl qiymətləri bazar ertəsi yüksəlib və digər qiymətli metallar kəskin şəkildə bahalaşıb.
Yeniavaz.com “Reuters”ı istinadən xəbər verir ki, bu, geosiyasi gərginliyi artırıb.
Son saatlara olan məlumata görə, spot qızıl 1,8% artaraq unsiyası üçün 4406,77 dollara çatıb ki, bu da bir həftəlik maksimumdur.
Fevral çatdırılması üçün ABŞ qızıl fyuçersləri 1,9% artaraq 4413,40 dollara çatıb.
Qeyd edək ki, şənbə günü ABŞ, 37 il əvvəl Panamanın işğalından bəri Vaşinqtonun Latın Amerikasına ən mübahisəli müdaxiləsi olan hücumda Maduronu ələ keçirdi.
Vitse-prezident Delsi Rodrigez müvəqqəti lider vəzifəsini icra etməyə başlayıb və Maduronun prezident olaraq qaldığını bildirib.