Bazar ertəsi "Brent" markalı neftin qiyməti 19 dekabr 2025-ci ildən bəri ilk dəfə barel başına 60 dollarlıq psixoloji həddə toxunub.
Londonun ICE birjasında mart fyuçersləri ABŞ-ın Venesueladakı hərbi əməliyyatları fonunda 1,32% ucuzlaşaraq 60 dollara düşüb, daha sonra 60,54 dollara qədər korreksiya olunub.
Qlobal bazardakı eniş Azərbaycanın "Azeri Light" markalı neftinin qiymətinə də təsir edib və o, hazırda 64,12 dollara satılır.
Azərbaycanın 2026-cı il dövlət büdcəsində neftin bir barelinin orta qiyməti 65 dollar səviyyəsində nəzərdə tutulub. Qiymətlərin bu həddən aşağı düşməsi büdcə gəlirləri üçün risk yaratsa da, ölkənin Neft Fondu (ARDNF) vasitəsilə geniş maliyyə yastığı mövcuddur.
2026-cı il büdcəsi ($65) və cari qiymət ($64.12) arasındakı fərq gəlirlərin proqnozdan az olması riskini artırır.
Azeri Light həmişə Brent-dən daha baha (premium) satılır, lakin Brent-in kəskin enişi bu fərqi daralda bilər.
N.Təbrizli
