“Mançester Yunayted”in baş məşqçisi Ruben Amorim “Lids Yunayted” ilə 1:1 hesablı heç-heçə etdikləri Premyer Liqa oyunu sonrası mətbuat konfransında fikirlərini bildirib.
90deqiqe.Az-ın "ESPN"ə istinadən məlumatına görə, portuqaliyalı çalışdırıcı məşqçi postunda 18 ay qalacağını vurğulayıb.
“Görürəm ki, sizə seçilmiş məlumatlar təqdim olunur. Mən buraya məşqçi kimi deyil, menecer kimi gəldim və bu aydındır. Mənim adım Tuxel, Konte və ya Mourinyu ilə çəkilmir, amma mən “Mançester Yunayted”in meneceriyəm və bu, 18 ay boyunca belə olacaq, ya da rəhbərlik başqa bir məşqçi təyin edəcək.
Mən işimi görəcəyəm, hər bir departament, skautlar və idman direktoru da öz işlərini düzgün yerinə yetirməlidir. Mən 18 ay ərzində işimi davam etdirəcəyəm və sonra nə baş verəcəyinə baxarıq.
Bu, mənim fikrimdir. Mənim buranı tərk etmək niyyətim yoxdur. Mən işimi yerinə yetirəcəyəm və sonra başqa biri gələcək, amma bu 18 ay ərzində hər şey bitəcək və hər kəs irəliləyəcək. Biz belə razılaşmışdıq. Mənim işim – məşqçi olmaq deyil”
20 turdan sonra “Mançester Yunayted” 31 xalla Premyer Liqa cədvəlinin 5-ci mövqeyindədir.
