Venesuelaya hücumdan sonra Rusiya ilə ABŞ arasında münasibətlər daha praqmatik xarakter alacaq. Bunu politoloq Yuri Svetov deyib. Svetovun fikrincə, Nikolas Maduronun ələ keçirilməsi Kremlin Ukrayna ilə bağlı mövqeyini dəyişməyəcək, əksinə Ağ Evin metodlarında obyektiv dərs olacaq. Ekspert vurğulayıb ki, istənilən Amerika lideri, o cümlədən Donald Tramp üçün hərbi müdaxilə onların məqsədlərinə çatmaq üçün prioritet alət olaraq qalır.
"Ölkəmizin rəhbərliyi yaxşı bilirdi ki, ABŞ prezidentinin kim olmasından asılı olmayaraq, hərbi gücdən istifadə prioritet məsələdir", - Yuri Svetov News.ru-ya müsahibəsində qeyd edib.
Təhlilçi əlavə edib ki, Karakasda baş verən insident yeni dünya nizamının qaydalarını açıq şəkildə nümayiş etdirir: "ABŞ-ın hərəkətləri bizə sərbəstlik verir. Aydın olur ki, siz özünüzü ilk növbədə hərbi güclə müdafiə edə bilərsiniz. Ukraynadakı vəziyyət ABŞ üçün sövdələşmədir, bizim üçün isə sülhdür".
Rusiya Təhlükəsizlik Şurasının sədr müavini Dmitri Medvedev daha əvvəl xəbərdarlıq etmişdi ki, ordunun maraqlarına məhəl qoymamaq Venesuela ssenarisi kimi suverenliyin itirilməsinə gətirib çıxaracaq.
İRADƏ
