Astarada yol qəzası baş verib.
Heftelik.az APA-ya istinadən xəbər verir ki, hadisə Təngərud kəndi ərazisində qeydə alınıb.
Astara-Lənkəran xətti ilə hərəkətdə olan “Mercedes Sprinter” markalı sərnişin mikroavtobusu idarəetmədən çıxaraq elektrik dirəyinə çırpılıb. Mikroavtobus daha sonra aşıb.
Qəza nəticəsində 1996-cı il təvəllüdlü Əfsanə Baxşıyeva və 1961-ci il təvəllüdlü Səyyarə Həsənova həyatını itirib, 5 nəfər xəsarət alıb.
Məlumata görə, onlar toya gedirmiş.
Elektrik dirəyi aşdığına görə, xətlər qırılıb, ətraf ərazilərə enerji verilişində fasilə yaranıb.
