Yeniazerbaycan portalından verilən məlumata əsasən, ain.az bildirir.
Almaniyanın Aşağı Saksoniya əyalətində Hildeshaym bölgəsində yük qatarının relsdən çıxaraq aşması nəticəsində dəmir yolu nəqliyyatının hərəkətində ciddi çətinliklər yaranıb.
AZƏRTAC “Bild” qəzetinə istinadla xəbər verir ki, qəza səbəbindən Hannover-Qöttinqen dəmir yolu xəttində hərəkətin fevraladək məhdudlaşdırıldığı bildirilib. Qəza nəticəsində təxminən 5 kilometrlik sahədə relslər, siqnallar və elektrik xətləri ciddi zədələnib, minlərlə infrastruktur elementi sıradan çıxıb.
“Alman Dəmir Yolları” şirkəti bərpa işlərinin intensiv davam etdiyini, lakin ziyanın tam qiymətləndirilməsinin hələ yekunlaşmadığını açıqlayıb. Təmirə hazırlıq məqsədilə zədələnmiş relslər nəzarət altında partladılıb. Regional xətlər üzrə qatarların fevral ayında tam hərəkətə başlayacağı gözlənilir. Hannover və Qöttinqen şəhərləri arasında bəzi marşrutlarda qatarların yerinə avtobuslar ayrılıb. Qəsa şəhərlərarası sürət qatarlarının hərəkətinə təsir etməyib.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
