Konkret.az portalından verilən məlumata əsasən, ain.az bildirir.
Ukrayna Xarici İşlər naziri Andrey Sibiqa bildirib ki, Rusiya hələ də prezident Vladimir Putinin iqamətgahına “hücum” barədə iddialarını təsdiqləyən heç bir sübut təqdim etməyib.
KONKRET.az xəbər verir ki, Sibiqa deyib:
“Məsələdən təxminən bir gün keçib, amma Rusiya hələ də Ukraynanın guya Putinin iqamətgahına ‘hücum’ etməsi barədə iddialarını təsdiqləyəcək məntiqli sübutlar təqdim etməyib. Çünki belə hücum olmayıb,” – Sibiqa X sosial şəbəkəsində yazıb.
O əlavə edib ki, BƏƏ, Hindistan və Pakistanın bu hadisə ilə bağlı narahatlıq ifadə etməsi təəccüblüdür, halbuki onun sözlərinə görə, belə bir hücum olmayıb.
“Xüsusilə təəccüblüdür ki, bu üç dövlət 7 sentyabr 2025-ci ildə Ukrayna hökumətinin real binasına düşən həqiqi rus raketi barədə heç bir rəsmi bəyanat verməyib,” – o vurğulayıb.
Nazir həmçinin Rusiyanın uzun müddətdir yalan iddialar irəli sürdüyünü xatırladıb.
Müşviq Tofiqoğlu
KONKRET.az
Sonrakı hadisələr barədə daha çox məlumat almaq üçün ain.az saytını izləyin.
