İsrailin F-15 təyyarə proqramı üçün “Boeing” şirkətinə 8,6 milyard dollarlıq müqavilə verilib.
Publika.az xəbər verir ki, bu barədə ABŞ Müdafiə Nazirliyi (Pentaqon) bəyanat yayıb.
Bildirilib ki, sazişə 25 yeni “F-15IA” təyyarəsinin istehsalı daxildir və istəyə görə əlavə 25 təyyarə istehsal edilə bilər.
"Bu müqaviləyə İsrail Hərbi Hava Qüvvələri üçün 25 yeni “F-15IA” təyyarəsinin dizaynı, inteqrasiyası, cihazların quraşdırılması, sınaqdan keçirilməsi, istehsalı və çatdırılması, eləcə də əlavə 25 “F-15IA” təyyarəsi üçün seçim daxildir”, - bəyanatda qeyd olunub.
