"İnter" klubunun mərkəz müdafiəçisi Alessandro Bastoni "Liverpul"a keçə bilər.
Publika.az xəbər verir ki, bu barədə "Football Insider" məlumat yayıb.
İngiltərə nəhəngi 26 yaşlı italiyalı futbolçunun transferində maraqlıdır və onun üçün 80 milyon funt sterlinq (təxminən 92 milyon avro) təklif etməyə hazırdır.
Mənbə bildirir ki, "qırmızılar" "neradzurri"nin müdafiə xəttinin liderini artıq ən azı bir il yarımdır izləyir. İddia olunur ki, göstərilən şərtlər daxilində "İnter"in bu təklifi qəbul etməsi tam mümkündür.
