Azərbaycan polisinin fəaliyyətini yalnız Azərbaycan prezidenti qiymətləndirə bilər-Deputat

Deputat qeyd edib ki, bu prosesdə xüsusi xidmət qurumları, məhkəmələr və digər hüquq mühafizə orqanlarının adı ayrıca çəkilməli, o cümlədən Azərbaycan polisinin rolu xüsusi vurğulanmalıdır: "Azərbaycan polisi möhtərəm Prezidentin müəyyən etdiyi direktivləri rəhbər tutmaqla üzərinə düşən vəzifələri bu il də şərəflə yerinə yetirmiş, cənab İlham Əliyevin müzəffər liderliyində ölkəmizin təhlükəsizlik, sabitlik adası mövqeyinin daha da möhkəmlənməsinə müstəsna töhfə vermişdir. Təsadüfi deyil ki, bütün cəbhələrdə cənab İlham Əliyev tərəfindən sındırılan antiAzərbaycan dairələr məhz polisi hədəfə almaqla qalanı daxildən fəth etməyə zaman-zaman cəhd göstərirlər. Lakin? Azərbaycan polisinin fəaliyyətini yalnız Azərbaycan prezidenti qiymətləndirə bilər və polisin nüfuzsuzlaşdırılması istiqamətində bütün cəhdlər əbəsdir, fiaskoya məhkumdur".