Putinin iqamətgahı ilə bağlı bəyanat fonunda danışıqlar ətrafında gərginlik artıb...
Rusiyanın guya Ukraynanın prezident Vladimir Putinin iqamətgahına hücum etməsi barədə açıqlamasından sonra yaranan mübahisələr Ukraynada sülhə nail olunması perspektivlərinə növbəti ciddi zərbə vurub.
Poliqon xəbər verir ki, bu qənaətə Reuters agentliyi mövcud vəziyyəti şərh edərkən gəlib.
Agentliyin qeyd etdiyi kimi, Moskvanın sözügedən iddiaya cavab olaraq danışıqlardakı mövqeyinə yenidən baxa biləcəyini bəyan etməsi diplomatik proses ətrafında qeyri-müəyyənliyi daha da artırıb. Bu cür açıqlamalar sülh danışıqlarının gələcəyi ilə bağlı ümidləri zəiflədir və tərəflər arasında etimadsızlığı dərinləşdirir.
Reuters vurğulayır ki, beynəlxalq vasitəçilərin səylərinə baxmayaraq, qarşılıqlı ittihamlar və kəskin bəyanatlar fonunda danışıqlar prosesinin davam etdirilməsi getdikcə daha mürəkkəb xarakter alır. Ekspertlərin fikrincə, tərəflərin ritorikasının sərtləşməsi hərbi eskalasiya risklərini artırmaqla yanaşı, diplomatik kanalların effektivliyini də azaldır.
Agentlik əlavə edir ki, mövcud gərginlik Ukraynada uzunmüddətli və dayanıqlı sülhə nail olmaq imkanlarını daha da uzaqlaşdırır və beynəlxalq ictimaiyyət qarşısında yeni çağırışlar yaradır.
Poliqon.info
