ABŞ prezidenti Donald Tramp Rusiya prezidenti Vladimir Putinlə son söhbəti zamanı Rusiya-Ukrayna müharibəsinin həlli üçün “sülh planı” layihəsinin bütün 20 bəndini müzakirə edib.
Ukrayna prezidenti Vladimir Zelenski bunu 29 dekabrda media ilə onlayn sual-cavab zamanı bildirib. Bu barədə “GORDON” nəşrinin müxbirinin verdiyi məlumata görə, Tramp dekabrın 29-da media ilə onlayn sual-cavab zamanı bildirib.
28 dekabrda Zelenski ilə Mar-a-Laqo iqamətgahında görüşməzdən əvvəl Tramp Putinlə də söhbət edib və bunu “yaxşı və çox məhsuldar” adlandırıb: “Prezident Tramp mənə Putinlə uzun söhbət etdiyini, planın bütün 20 bəndini nöqtə-nöqtə müzakirə etdiyini dedi.
Mən də buna görə ona təşəkkür etdim. Hamımızın eyni səhifədə olması və bu sənədi xüsusi olaraq müzakirə etmələri vacibdir, digər sənədləri yox. Və o, Putinin nə etməyə hazır olduğunu dedi”, – Ukrayna prezidenti bildirib.
Zelenski qeyd edib ki, “hazırda detallar barədə danışmaq istəmir”: “Amma mən Prezidentə [Trampa] dedim ki, Putinin bir şey deyib başqa bir şey etməsi bizim üçün çox vacibdir. Bizim üçün onun sözlərinin əməlləri ilə üst-üstə düşməsi vacibdir”, – Ukrayna prezidenti deyib.
//Samir Qurbanov, Editor.az
