Ukrayna Prezidenti Vladimir Zelenski ölkəsinin ərazi bütövlüyü məsələsində Ukraynanın maraqlarına uyğun hərəkət edəcəyini bildirib.
Zelenski Telegram hesabındakı paylaşımında ABŞ prezidenti Donald Trampın Floridada səsləndirdiyi fikirlərə və ölkədə baş verən hadisələrə münasibət bildirib.
Rusiyanın Ukraynanın ərazi bütövlüyündən güzəştə getməsini istədiyini qeyd edən Zelenski sözünə davam etdi:
"Donbasdan çəkilməyə gəldikdə, Rusiyanın bunu istəməsi yeni bir şey deyil. Onların xəyalpərəst xəyallarında biz ümumiyyətlə öz ərazimizdə olmamalıyıq. Bu xəyallar bir ildən çoxdur ki, davam edir. Bizim öz ərazimiz, öz ərazi bütövlüyümüz, öz dövlətimiz və öz maraqlarımız var. Biz Ukraynanın maraqları naminə hərəkət edəcəyik."

Ukrayna prezidenti, Trampın Ukrayna üçün təklif olunan təhlükəsizlik zəmanətlərini təsdiq üçün Konqresə təqdim edəcəyini bildirdiyi dünənki görüşə istinad edərək, "Amerika Birləşmiş Ştatları prezidenti güclü təhlükəsizlik zəmanətlərini təsdiqlədi" dedi.

Zelenski təhlükəsizlik zəmanətlərini müzakirə etmək üçün yanvar ayında Ukraynada ABŞ və Avropa rəsmiləri ilə görüş keçirmək istədiklərini bildirdi və əlavə etdi: "Hamımız yanvar ayında keçiriləcək bu görüşlərə ciddi yanaşırıq. Əgər hər şey addım-addım irəliləsə, sonradan ruslarla bir növ danışıqlar olacaq."

Ukrayna prezidenti müharibəni diplomatik yollarla bitirmək istədiklərini vurğulayaraq dedi: "Əgər müharibə davam edərsə, əlbəttə ki, ABŞ və Avropa Ukraynanı dəstəkləməyə davam edəcək, çünki biz özümüzü müdafiə edirik, biz təcavüzkar deyilik."

Zelenski müharibənin ədalətli şəkildə sona çatması üçün sülh planının Ukrayna xalqı tərəfindən təsdiqlənməli olduğunu iddia edərək, "Bizim fikrimizcə, 20 maddəlik plan referendumda təsdiqlənməlidir" şərhini verib.

Müharibədən zərər çəkmiş ölkədə referendum keçirmək üçün ən azı 60 günlük atəşkəsə ehtiyac duyduqlarını qeyd edən Zelenski, Rusiyanın hücumlarını dayandırmaq istəmədiyini iddia edib.

aia.az
Tərcümə