Astroloqların fikrincə, bəzi bürclər xarakter etibarilə daha qətiyyətli, israrcı və lider ruhlu olurlar. Bu xüsusiyyətlər isə onların münasibətlərdə və gündəlik həyatda "dediyim olmalıdır" mövqeyindən çıxış etməsinə səbəb olur.
Far.Az xəbər verir ki, astroloji şərhlərə əsasən, bu xüsusiyyət daha çox aşağıdakı bürclərdə müşahidə edilir.
Şir bürcü liderlik xüsusiyyətləri ilə seçilir. Diqqət mərkəzində olmağı sevən Şirlər verdikləri qərarların doğru olduğuna inanır və ətrafdakılardan buna uyğun davranış gözləyirlər. Onlar üçün sözlərinin dinlənilməsi hörmət əlamətidir.
Qoç bürcü impulsiv və cəsarətli xarakterə malikdir. Tez qərar verən Qoçlar geri addım atmağı sevmir. Əks fikir eşitdikdə belə, öz mövqelərini sonadək müdafiə etməyə meylli olurlar və istədiklərinin həyata keçməsini tələb edirlər.
Əqrəb bürcü isə güclü iradəsi və nəzarət ehtiyacı ilə tanınır. Əqrəblər açıq şəkildə israr etməsələr də, hadisələrin istədikləri istiqamətdə inkişaf etməsi üçün gizli şəkildə təsir göstərirlər. Onlar üçün nəzarəti itirmək ciddi problemdir.
Oğlaq bürcü məqsədyönlü və prinsipial olması ilə seçilir. Oğlaqlar verdikləri qərarları uzun düşüncədən sonra qəbul etdikləri üçün geri çəkilməyi zəiflik hesab edirlər. Bu da onları israrçı və bəzən sərt göstərir.
Buğa bürcü isə sakit görünüşünün arxasında güclü inadkarlıq gizlədir. Buğalar fikirlərini dəyişməkdə çətinlik çəkir və bir mövqedə qərarlaşdıqlarsa, ondan dönmək istəmirlər. Bu səbəbdən "dediyim olmalıdır" yanaşması onlarda tez-tez özünü göstərir.
Astroloqlar qeyd edirlər ki, bürclərin bu xüsusiyyətləri hər kəsdə eyni səviyyədə olmaya bilər. İnsan xarakterinin formalaşmasında tərbiyə, həyat təcrübəsi və şəxsi seçimlər də mühüm rol oynayır.
