Çin Xarici İşlər Nazirliyinin sözçüsü Lin Jian həftəlik mətbuat konfransında İsrailin Somalinin separatçı bölgəsi olan Somalilandı "ölkə" kimi tanımaq qərarına reaksiya verib.
Publika.az xəbər verir ki, Lin Jian Somalini bölmək cəhdlərinə qarşı olduqlarını və Afrika ölkəsinin suverenliyini, birliyini və ərazi bütövlüyünü dəstəklədiklərini bildirib.
“Heç bir ölkə öz eqoist maraqları naminə digər ölkələrdəki daxili separatçı qüvvələri təşviq etməməli və ya dəstəkləməməlidir", - deyə o qeyd edib.
Li Jian həmçinin, Somalilanddakı hakimiyyəti separatçı fəaliyyətləri və xarici güclərlə əməkdaşlığı dayandırmağa çağırıb.
