ain.az, Sia Az portalına istinadən məlumat yayır.
“Azərbaycan Respublikasının Prezidenti İlham Əliyevin Ağdam səfəri – regionun dirçəldilməsi və xalqın rifahı naminə növbəti əhəmiyyətli addımıdır”. Bu sözləri SİA-ya açıqlamasında politoloq Aytən Qurbanova bildirib.
Onun sözlərinə görə, 24 dekabr 2025-ci il tarixində Azərbaycan Respublikasının Prezidenti İlham Əliyev və birinci xanım Mehriban Əliyeva Ağdam şəhərinə səfər ediblər. Bu səfər təkcə inzibati xarakterli görüş deyil, azad edilən ərazilərin bərpası və sosial–iqtisadi inkişaf strategiyasının praktik təzahürü kimi böyük əhəmiyyət kəsb edir.
Səfər çərçivəsində dövlət başçısı Ağdamda ikinci yaşayış kompleksinin açılışında iştirak edib və yeni mənzillərin açarlarının sakinlərə təqdim olunması mərasimində iştirak edib. Bu kompleks məcburi köçkün ailələri üçün yaradılmışdır və onların öz doğma torpaqlarına qayıdışının tərkib hissəsi kimi dəyərləndirilir.
Prezident çıxışında vurğulayıb ki, bu layihə yalnız sosial mənada deyil, həm də azad edilmiş ərazilərdə davamlı yaşayış mühitinin yaradılması istiqamətində mühüm addımdır. Ağdamda həyatın yenidən canlanması və insanlar üçün rahat şərtlərin yaradılması dövlətin bu istiqamətdə davamlı diqqətinin göstəricisidir.
Səfər həm də regionun sosial bazasının möhkəmləndirilməsi ilə bağlıdır. Təxminən 104 ailənin bu yeni kompleksə köçəcəyi bildirilib ki, bu da ərazilərdə normal həyatın bərpası prosesinin aktiv getdiyini göstərir.
Bu səfər, Azərbaycanın azad edilmiş torpaqlarda geniş miqyaslı bərpa və infrastruktur layihələrini davam etdirdiyini göstərməsi baxımından da əhəmiyyətlidir. Prezidentin səfəri zamanı yerli sakinlərlə görüşlər keçirilib, onların fikirləri dinlənilib və rahat yaşayış şəraitinin təmin olunması istiqamətində dövlətin prioritetləri bir daha təsdiqlənib.
Prezident İlham Əliyevin Ağdam səfəri regionun yenidən qurulması, məcburi köçkünlərin öz yurdlarına qaytarılması və sosial rifahın təmin olunması üzrə ardıcıl siyasətin davam etdirildiyini açıq şəkildə nümayiş etdirir”.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
