ain.az, Bizim media saytına istinadən bildirir.
Şabran şəhərində içməli su küçəyə axır. Bu barədə Bizim.Media-ya Şabran şəhərindəki keçmiş 20 Yanvar küçəsi, indi şəhid Elvin İskəndərovun adını daşıyan küçədə qeydə alınıb. Küçə sakinləri adından danışan 63 saylı evin sakini Könül Abbasova Bizim.Media-ya bildirib ku, ötən həftənin cümə günündən içməli su xətti partlayıb, gəlib düzəldən yoxdur, dəfələrlə Şabran Sukanal İdarəsinin Qaynar xətti ilə əlaqə yaratsalar da, məsələ ilə maraqlanan tapılmır. Şikayətçi qeyd edib ki, içməli su küçəni basıb. Onun həyəti və sanitar qovşağı pis günə düşüb.Məsələ ilə bağlı Dövlət Su Agentliyinin Regional Su-Meliorasiya Xidmətinin Şabran Sukanal idarəsinin rəisi Azər Əzizovla əlaqə cəhdlərimiz baş tutmadı. Bu səbəbdən içməli suyun küçələrə axmasının qarşısının neçə gündür niyə alınmadığının səbəbini də soruşa bilmədik.
Aytəkin Alxaslı, Bizim.Media, Şimal bürosu
Sonrakı hadisələr barədə daha çox məlumat almaq üçün ain.az saytını izləyin.
