Dekabrın 27-nə keçən gecə Rusiya silahlı qüvvələri Kiyev şəhəri və ətraf ərazilərə genişmiqyaslı hava zərbələri endirib. Hücum artıq bir neçə saatdır davam edir və paytaxtda ardıcıl partlayış səsləri eşidilir.
"Yeni Sabah" xəbər verir ki, məlumata görə, əməliyyat zamanı həm müxtəlif növ raketlərdən, həm də hücum tipli pilotsuz uçuş aparatlarından istifadə olunur. Ukrayna Energetika Nazirliyi bildirir ki, zərbələrin əsas istiqaməti enerji təminatı obyektləridir.
Nəticədə Kiyevin bir sıra rayonlarında fövqəladə elektrik kəsintiləri qeydə alınıb. Mövcud vəziyyətlə əlaqədar şəhər sakinləri təhlükəsizlik məqsədilə sığınacaqlara yerləşdirilib.
Telegram kanalımız
