Demokrat.az saytına istinadən ain.az xəbər verir.
Reportyor.info saytının redaktoru, jurnalist Arifə Əliyeva şəxsi “Facebook” hesabında TƏBİB-in fəaliyyəti ilə bağlı kəskin etiraz paylaşıb.Demokrat.az xəvər verir ki, jurnalist yazısında son illər səhiyyə sahəsində müəyyən müsbət addımların atıldığını etiraf etsə də, Abşeron rayonunda təcili tibbi yardımın vəziyyətini qəbuledilməz adlandırıb.Biz Abşeron sakinlərinin günahı nədir ki, təcili yardım üçün saatlarla gözləməli oluruq?, deyə Arifə Əliyeva paylaşımında vurğulayıb.Onun sözlərinə görə, problem sadəcə xidmətin gecikməsi deyil, birbaşa insan - xüsusilə də uşaqların həyatı ilə bağlıdır: "Axı söhbət uşaqların həyatından gedir… Uşaq nəfəs almır, siz isə zəngə çıxmırsınız".Jurnalist həmçinin aidiyyəti şəxslərin məsuliyyətsiz davranışına diqqət çəkərək, vətəndaşların niyə “tapşırıq” axtarmağa məcbur qalmasını sual edib: "Nə vaxta qədər adam tapıb yalvarmalıyıq? Nə vaxta qədər "tapşırdım" deyib sonra telefona belə cavab verməyənlərə möhtac qalacağıq?"Arifə Əliyeva qeyd edib ki, vətəndaşlar qalmaqal yaratmaq, sosial şəbəkələrdə qurumları rüsvay etmək yox, sadəcə qanuni və normal tibbi xidmət almaq istəyirlər: "Biz biabırçılıq etmədən, sosial şəbəkədə sizi rüsvay etmədən, normal xidmət almaq istəyirik. Bu bizim haqqımızdır!"Jurnalistin bu paylaşımı sosial şəbəkələrdə geniş müzakirələrə səbəb olub. Bir çox istifadəçi təcili tibbi yardım xidmətində yaşanan problemlərlə bağlı oxşar şikayətlərini şərh bölməsində bölüşüb.Məsələ ilə bağlı TƏBİB tərəfindən hələlik rəsmi açıqlama verilməyib.
Ən son xəbərləri və yenilikləri almaq üçün ain.az saytını izləyin.
