ain.az, Azpolitika.az portalına istinadən məlumat verir.
Türkiyədə futbolda qanunsuz mərc oyunları ilə bağlı aparılan araşdırma çərçivəsində tanınmış futbol funksionerləri barəsində ciddi tədbirlər görülüb.
Məlumata görə, istintaq çərçivəsində “Qalatasaray” klubunun sabiq vitse-prezidenti Erden Timur saxlanılıb. Araşdırma ümumilikdə 29 nəfəri əhatə edir, onlardan 14-ü futbolçudur. Saxlanılan şəxslər arasında “Eyüpspor”un vitse-prezidenti Fatih Kulaksız və Türkiyə Futbol Federasiyasının Xarici Əlaqələr və Milli Komandalar üzrə direktoru Buğra Cem İmamoğlu da yer alır.
Hazırda 24 nəfər saxlanılıb, 1 nəfər daha əvvəl həbs edilib, 4 nəfərin saxlanılması istiqamətində isə əməliyyatlar davam etdirilir.
Rəsmi mənbələr bildirir ki, toplanan sübutlar şübhəli şəxslərin qanunsuz mərc fəaliyyəti ilə əlaqəli olduqlarını göstərir.
"AzPolitika.info"
Hadisənin gedişatını izləmək üçün ain.az saytında ən son yeniliklərə baxın.
