TƏBİB dekabrın 25-də Qaradağ rayonunda baş verən yol-nəqliyyat hadisəsi xəsarət alanların vəziyyətini açıqlayıb.
"Yeni Sabah" xəbər verir ki, Kliniki Tibbi Mərkəzə hospitalizasiya olunan 11 nəfərdən (4-ü qadın, 7-si kişi) 5 nəfərin müalicəsi davam etdirilir.
Onlardan 2 nəfərin vəziyyəti ağır, 3 nəfərin vəziyyəti stabil olaraq qiymətləndirilir.
6 nəfərə isə zəruri tibbi yardım göstərilib və ambulator müalicə üçün evə buraxılıb.
Bakı-Qazax yolunun Qaradağ rayonu ərazisindən keçən hissəsində “İsuzu” markalı avtobus qarşıda gedən S.Mustafayevin idarə etdiyi “Mercedes” markalı avtobusla toqquşub. Hadisə nəticəsində “Mercedes” markalı avtobusda olan sərnişinlərdən 2 nəfər hadisə yerində həyatını itirib.
Telegram kanalımız
