Kreml Ukrayna prezidenti Volodimir Zelenskinin Milad müraciətini sərt tənqid edib.
KONKRET.az xəbər verir ki, Rusiya prezidenti Vladimir Putinin mətbuat katibi Dmitri Peskov bildirib ki, müraciətdə səslənən ölüm arzuları “mədəniyyətsiz və aqressiv” xarakter daşıyır.
Onun sözlərinə görə, Zelenskinin çıxışı “qeyri-adekvat insan” təsiri bağışlayır və belə bir şəxsin düşünülmüş, adekvat qərarlar qəbul edib-edə bilməyəcəyi sual doğurur.
Xatırladaq ki, Zelenski Milad müraciətində rusları “allahsızlar” adlandırıb və Rusiya prezidenti Vladimir Putinə ölüm arzulayıb.
Müşviq Tofiqoğlu
KONKRET.az
