Dekabrın 24-dən 25-nə keçən gecə dünyanın hər yerindəki katoliklər Milad bayramını qeyd edirlər.
"Unikal" xarici KİV-ə istinadən xəbər verir ki, bayram şənliyi əsas ibadət yeri Vatikandakı Müqəddəs Pyotr Bazilikasında keçirilib. Bu il mərasimdə 6000 nəfər iştirak edir .
Milad müxtəlif şəhərlərdə və ölkələrdə fərqli şəkildə qeyd olunur. İrlandiya sakinləri ənənəvi Milad üzgüçülüyündə iştirak etmək üçün Helens körfəzindəki çimərlikdə toplaşıblar. İsrailin Nazaret şəhərində illik Milad paradı keçirilib. Frankfurtda insanlar 1954-cü ildən bəri şəhərdə mövcud olan 50 zəngin çalınmasını eşitmək üçün Römerberq meydanına toplaşıblar. Londondakı Smitfild Bazarında isə ənənəvi ət hərracı keçirilib.
Milad ərəfəsində ABŞ prezidenti Donald Tramp NORAD Tracks Santa proqramında iştirak edib.
