Kardioloq Aurelio Rojas qış aylarında rasiona üç meyvənin daxil edilməsini məsləhət görüb, bu isə sağlamlıq vəziyyətinin yaxşılaşmasına kömək edir.
Redaktor.az xəbər verir ki, onun sözlərini "Deia" nəşri təqdim edib.
Rojas soyuq havalarda gündəlik olaraq liflə zəngin olan almaları yeməyi tövsiyə edib. Lif qan xolesterin səviyyəsini aşağı salır. Bundan əlavə, almanın digər faydalı xüsusiyyətləri də var: qan şəkəri və xolesterinin normal səviyyəyə gətirilməsi, nəticədə isə ürək-damar xəstəliklərinin inkişaf riskinin azalması.
Həkim əlavə edib ki, portağal da çox faydalıdır. Onlar C vitamini və flavonoidlərlə zəngindir, bu da immun sistemini gücləndirir, orqanizmdə iltihab səviyyəsini azaldır və damarların vəziyyətini yaxşılaşdırır. Rasiona kivinin daxil edilməsi isə arterial təzyiqi nəzarətdə saxlamağa və ürək sağlamlığını yaxşılaşdırmağa imkan verir. Həkim vurğulayıb ki, bu üç meyvənin gündəlik istehlakı qış aylarında ürək-damar sistemi üçün böyük fayda təmin edə bilər.
Aytəkin TOFİQQIZI
