Dünya diqqətlə izləyir ki, Ukrayna ilə Rusiya arasındakı gərginlik qış aylarında necə inkişaf edəcək. Təhlükəsizlik ekspertlərinin fikrincə, qarşıdurmada əsas hədəf yenə Ukrayna olacaq, ərazi məsələləri isə hələ də həllini tapmayıb.
Təhlükəsizlik eksperti İlham İsmayıl News365.az-a açıqlamasında Ukrayna və Rusiya arasında gərginliyin davam etdiyini bildirib.
Onun sözlərinə görə, son məlumatlara görə, Erbəkə və Ukrayna bu məlumatları yayıb, eyni zamanda Ukrayna tərəfi Rusiya kimi intensiv hərbi fəaliyyət göstərir, sualtı qayıqlara və neft ayırma zavodlarına zərbələr endirir.
İsmayıl vurğulayıb ki, bütün bu hərəkətlərdən sonra ümumi nəticə hələ müəyyən deyil və təhlükəsizlik zəmanətləri Avropa və ABŞ tərəfindən verilsə də, əsas məsələlər ərazi ilə bağlıdır. “Ərazi məsələsində hələ də nə Rusiya, nə də Ukrayna tərəfi razılaşmayıb. Razılaşma prosesi getmir. Zelenski isə təhlükəsizlik zəmanətləri dəqiq məlum olduqdan sonra Donbassda geri çəkilmə qərarı verə bilər. Lakin bu, Rusiyanın razılığı olmadan mümkün deyil”, – ekspert qeyd edib.
O əlavə edib ki, Rusiyanın özü də çətin vəziyyətdədir və qış aylarında məsələnin həllini çalışırlar, lakin hələlik razılıq yoxdur. “Ryabkovun açıqlaması onu göstərir ki, gələn yazda məsələlərin müzakirəsi davam edəcək, amma qış prosesi zamanı əsas hədəf yenə də Ukrayna olacaq”, – İsmayıl bildirib.
Ekspert Ukrayna Müdafiə Nazirliyinin Kəşfiyyat Baş İdarəsinin rəhbəri Kili Budanovun verdiyi məlumatlara da istinad edib. Onun sözlərinə görə, Rusiya məqsədli şəkildə Ukrayna xalqında qorxu və təşviş yaratmağa çalışır, lakin bu gün Ukraynada xalq və hərbçilər arasında buna uyğun vəziyyət yoxdur.
İsmayıl həmçinin qeyd edib ki, bu gərginliyin yalnız Rusiya və Ukraynaya aid olmadığı, ABŞ-ın vasitəçi rolu və qəbul etdiyi sanksiyaların da prosesə təsir etdiyini bildirib: “Məsələn, Lukoilə bağlı xaricdə fəaliyyət göstərən şirkətlərə tətbiq olunan sanksiyalar müvəqqəti dayandırılır”.
