Ajans.az yerli mediaya istinadən xəbər verir ki,görüntülərdə bəzi tikililərin dağıldığı və bir nəfərin yaralandığı görünür. Hadisə 21 dekabr səhəri baş verib. Çökmüş köşk sahibkarlardan biri tərəfindən qanunsuz olaraq tikilib və mövcud tikinti normalarına uyğun gəlməyib. Bundan əlavə, binanın yuxarı hissəsindən həddindən artıq ağır qış geyimləri asıldığı üçün damın çöküşündə bu amil həlledici olub. Hadisə nəticəsində qaydaları pozan sahibkar xəsarət alaraq xəstəxanaya aparılıb və təcili tibbi yardım alıb. Onun vəziyyəti hazırda qənaətbəxşdir. Digər xəsarət alanların olub-olmadığı barədə məlumat verilmir.
