Son 50 ildə Yer kürəsində orta temperatur artsa da, bəzi dövrlərdə qeyri-adi soyuq günlər müşahidə olunur. Klimatoloq Aleksandr Çernokulski bunun əsas səbəbinin iqlim dəyişikliyinin təbii atmosfer və astronomik prosesləri ləğv etməməsi olduğunu bildirir.
BAKU.WS xəbər verir ki, onun sözlərinə görə, Arktikada qışda hələ də qütb gecəsi hökm sürür və günəş işığının olmaması havanın ciddi şəkildə soyumasına səbəb olur. Arktik buzlar azalmasına baxmayaraq tam yox olmayıb və bu da soyuq hava kütlələrinin formalaşmasına təsir edir.
Bu soyuq hava kütlələri siklonlar vasitəsilə daha cənub bölgələrinə yayıla bilər. Son 70 ildə atmosfer cəbhələrinin daha dalğalı hala gəlməsi Arktikadan gələn soyuqların daha uzaqlara çatmasına şərait yaradır.
Ekspert qeyd edir ki, Şimali Atlantik okeanında, Britaniya adalarından qərbdə "istiləşmə boşluğu" adlanan ərazi var və burada temperatur artımı müşahidə olunmur. Rusiyanın cənub-qərbi Sibiri bölgəsində isə qış aylarında havalar bir qədər daha soyuq keçməyə başlayıb. Buna səbəb Sibir antisiklonunun güclənməsidir.
Mütəxəssislər vurğulayır ki, ümumi temperatur artsa da, qlobal istiləşmə ayrı-ayrı dövrlərdə və bölgələrdə soyuq anomaliyaların baş verməsini istisna etmir
