Bizim media saytından əldə olunan məlumata görə, ain.az məlumat yayır.
Artıq Azərbaycan da dünyada sürətlə yayılan süni intellekt dalğasına qoşulur. Belə ki, ölkədə süni intellekt, robot texnologiyası müxtəif sahələrdə istifadə edilməyə başlayıb və bununla əlaqədar planlar da artır.Məsələn, Elm və təhsil naziri Emin Əmrullayev ötən həftə yerli mətbuata verdiyi müsahibədə qeyd etdi ki, artıq fənlərin dövrü çoxdan bitib. Müasir təhsil bunu tələb edir, təhsilə süni intellekt gətirilə bilər.Nazirin bu açıqlaması bəzi müzakirələrə səbəb oldu. Xüsusilə müəllimlərə maraqlıdır ki, fənlərin dövrünün bitməsi nə deməkdir? Əgər təhsilə süni intellekt gətirilərsə, bu, müəllimlərə necə aşılanacaq? İllərin təhsil ənənələrini dəyişmək mümkün olacaq?Bizim.Media mövzuyla bağlı Sosial Tədqiqatlar Mərkəzinin əməkdaşı, təhsil eksperti Elmin Nurinin fikirlərini öyrənib. Ekspert deyir ki, müasir təhsili süni intellektsiz təsəvvür etmək mümkün deyil.“Hazırda XXI əsrin əsas siması hesab edilən süni intellektin təhsil sahəsinə tətbiqi dünyanın bir çox ölkələrində uğurla baş tutub. Süni intellekt müəllim, şagird və tələbələrə bir çox məsələlər istiqamətində çox ciddi yardımçı olmağı bacarıb.Doğrudur, süni intellekt alətlərindən istifadə bəzən neqativ hallara yol açsa da, çağdaş təhsili bu alətlərsiz təsəvvür etmək mümkün deyil. Təəssüf ki, yerli təhsil mühitində müəllim, şagird və tələbələrdə süni intellekt alətlərindən istifadə o qədər də yüksək səviyyədə deyil.Bir çoxları süni intellekt alətlərindən yalnız “google” axtarış sistemi səviyyəsində yararlanır və onun yeni məzmun yaratma, yeni ideya bankı hədiyyə etmə bacarığından istifadə etmirlər. Süni intellektdən yanlış istifadə, həqiqətən də, təhsilin gələcək inkişafına ciddi mane olur”.“Süni intellekt müəllimlərə çox kömək edir”“Süni intellekt təhsil prosesində istifadəçilərdə dərslərin planlaşdırılması, mövzuların tədrisi ilə bağlı proqramların hazırlanması bacarıqlarını vərdiş halına çevrilməsi, müəllimlərə şagirdlərin qiymətləndirilməsi kimi işlərdə çox yardımçı olur. Onun köməkliyi ilə məktəb mühitində şagird diferensasiyası və administrativ tapşırıqları optimallaşdırmaq vərdişlərini gücləndirmək mümkündür.
Süni intellekt həmçinin şagirdlərdə dərslərə maraqlı məzmun və innovativ aspektdən hazırlaşmaq imkanlarının yaradılması, valideynlərdə şagirdlərin dərslərə hazırlaşmalarına yardımçı olmaq və onları nəzarətdə saxlamalarına dəstək göstərmək kimi işlərdə də yardımçı olur”,- deyə Elmin Nuri qeyd edib.
Bəs süni intellektin tətbiqi müəllimlər nə qazandıracaq?Müsahibimiz deyir ki, bu proses müəllimlərə vaxta qənaət baxımından yardımçı olacaq:“Süni intellekt tədris prosesində mütləq şəkildə tətbiq olunmalıdır. Onun düzgün tətbiqi müəllimlərin iş prosesi zamanı dərslərin hazırlanmasına sərf olunan vaxt 30–40% azalacaq. Üstəlik, müəllimlər şagirdlər üçün daha fərdiləşmiş və yaradıcı dərslər yarada biləcəklər. Ümumiyyətlə, biz gələcəyin təsirini qətiyyən süni intellekt olmadan təsəvvür edə bilmərik”.Nəzrin Mirzəyeva, Bizim.Media
Sonrakı hadisələr barədə daha çox məlumat almaq üçün ain.az saytını izləyin.
