“İnter Mayami”nin və Argentina millisinin hücumçusu Lionel Messinin kiçik bacısı Maria Sol Messi ciddi avtomobil qəzası keçirib.
Hadisə keçən həftə baş verib. O, sükan arxasında huşunu itirərək nəzarəti itirib və maşın divara çırpılıb.
Sportinfo.az xəbər verir ki, bu barədə “Nueva Rioja” məlumat yayıb.
Qəza nəticəsində Maria Sol həm yanıq, həm də iki onurğa, daban və bilək sınıqları alıb. Uzunmüddətli reabilitasiya ehtiyacı səbəbindən, qadın 3 yanvarda baş tutmalı olan toyunu təxirə salmalı olub.
Müalicədən sonra Maria Sol ABŞ-dan doğma şəhəri Rosarioya (Argentina) gətirilib və orada reabilitasiyaya davam edir.
Onun nişanlısı Xulian Arelyano “İnter Mayami”nin U-19 komandasında məşqçidir və Messinin ailəsi ilə 12 ildir tanışdır.
Messi 8 dəfə “qızıl top”un sahibi olub və “İnter Mayami”nin kapitanıdır. Komanda ötən mövsüm ilk dəfə MLS çempionu olub.
