Ayna saytından verilən məlumata əsasən, ain.az məlumatı açıqlayır.
Döyüşlərdə 83 kambocalı yaralanıb: 544 min 700-dən çox mülki şəxs evlərini tərk etmək məcburiyyətində qalıb
Taylandla Kamboca sərhədindəki münaqişədə ölənlərin sayı 21-ə çatıb, 83 nəfər yaralanıb. AYNA.AZ xəbər verir ki, bu barədə "Khmer Times" qəzeti Kamboca hökumətinin məlumatlarına istinadən xəbər yayıb.
Qəzetin məlumatına görə, son həftələrdə baş verən atəş və bombardman nəticəsində 21 nəfər ölüb. Həmçinin döyüşlərdə 83 kambocalı yaralanıb və sərhəd əyalətlərində 544 min 700-dən çox mülki şəxs evlərini tərk etmək məcburiyyətində qalıb.
Tayland ordusunun Kambocanın sərhəd bölgələrinə endirdiyi zərbələr nəticəsində 111 fərdi ev, beş məktəb, üç tibb mərkəzi, bir bazar, anbar, bir neçə qədim məbəd və paqoda, gömrük və aksiz idarəsi binası, 11 inzibati bina, beş otel, bir neçə körpü, bir yanacaqdoldurma məntəqəsi və 28 nəqliyyat vasitəsi məhv edilib.
Tayland-Kamboca sərhədində 7 dekabrda kiçik silahlarla bağlı toqquşmalar başlayıb. Kamboca Müdafiə Nazirliyinin məlumatına görə, sərhəd bölgələrində yeni qarşıdurma mərhələsini alovlandırmaq məqsədi daşıyan bir neçə günlük təxribatçı hərəkətlərdən sonra Tayland silahlı qüvvələri Kamboca mövqelərinə hücum etməyə başlayıb.
Tayland ordusu bildirib ki, Kamboca qüvvələri sərhəd bölgəsindəki Tayland mövqelərinə artilleriya atəşi açıb və Tayland qoşunları əsas ərazilər üzərində nəzarəti ələ keçirmək və düşmənə zərər vurmaq cəhdi ilə Kamboca hərbi infrastrukturuna hücum edərək cavab verib.
Ən son xəbərləri və yenilikləri almaq üçün ain.az saytını izləyin.
