Azertag saytından alınan məlumatlara görə, ain.az xəbər verir.
Bakı, 23 dekabr, AZƏRTAC
Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyi və 1 saylı “ASAN xidmət” mərkəzinin birgə təşkilatçılığı ilə əlilliyi olan gənclərin əl işlərindən ibarət sərgi-satış yarmarkası təşkil olunub.
Yarmarkada Agentliyin Əlilliyi olan şəxslərin Peşə-əmək Reabilitasiyası Mərkəzinin benefisiarlarının 9 müxtəlif yaradıcılıq istiqaməti üzrə 850-dən artıq əl işi nümayiş olunub.
Rəssamlıq və vitraj boya işləri, suvenir və oyuncaqlar, toxunma əl işləri, bədii tikmə, dərzilik məmulatları, bəzək əşyaları və dekorativ aksesuarlar, dulusçuluq nümunələri, eləcə də bədii oyma sənəti üzrə hazırlanan məhsullar maraqla qarşılanıb.
Tədbirin məqsədi əlilliyi olan gənclərin yaradıcılıq bacarıqlarını geniş ictimaiyyətə tanıtmaq, onların əl işlərinin satışına şərait yaratmaq, cəmiyyətə inteqrasiyasını, eləcə də iqtisadi müstəqillik və özünəinamlarını gücləndirmək olub.
Sonrakı hadisələr barədə daha çox məlumat almaq üçün ain.az saytını izləyin.
