ain.az xəbər verir, Idman.biz saytına əsaslanaraq.
Zambiyalı hücumçu Patson Daka 2025-ci il Afrika Millətlər Kubokunun Maliyə qarşı ilk tur matçında (1:1) qol sevinci zamanı bir neçə dəfə salto vurması və yöndəmsiz şəkildə yerə düşməsi ilə gündəm olub.
İdman.Biz xəbər verir ki, komandalar Mərakeşin Kasablanka şəhərindəki “Stade Mohamed V” stadionunda oynayıblar.
90+2-ci dəqiqədə Daka başı ilə bərabərlik qolunu vurub və komandasının heç-heçə qazanmasına kömək edib. Qol sevinci zamanı hücumçu bir neçə dəfə salto vurub və sonra təhlükəli şəkildə boynu üstə yerə yıxılıb. Komanda yoldaşları ona tərəf qaçaraq sevincinə şərik olublar.
A qrupunda yarışan Mərakeş daha əvvəl Komor adalarını məğlub edib (2:0). A qrupunda ikinci və üçüncü tur oyunları 26 və 29 dekabrda keçiriləcək. Turnirin finalı isə 18 yanvarda olacaq.
İdman.Biz
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
